Сайт тест режимида ишламоқда Сайт работает в тестовом режиме

Категориялар

Қидирув

БОЧАНЦЕВ ТОШБИЮРҒУНИ

Кўриниши

Тарқалиши


Мақоми

2. Ғарбий Тянь-Шанда жуда кичик майдонда сақланиб қолган ниҳоятда камёб, реликт, эндемик тур.

Қисқача тавсифи

Бўйи 20–40 см келадиган, тиғиз ёстиқча ҳосил қилиб, ер бағирлаб ўсувчи сершох бута. Барглари кетма-кет жойлашган, дағал, учи тиканли, узунлиги 6 мм. Гуллари 2–9 тадан, шохчаларнинг учларида жойлашган. Ҳар бир гул биттадан гулолди ва иккитадан гулёнбаргчага эга. Гулқўрғон баргчалари юпқа. Уруғлари тик, узунлиги 4–6 мм. Июнь–июль ойларида гуллаб, меваси октябрда етилади.

Тарқалиши

Тошкент вилояти: денгиз сатҳидан 1600–2000 м баландликда Чотқол тизмаси (Нуракота, Белдирсой)да тарқалган.

Ўсиш шароити

Тош-шағалли ёнбағирлар арча ва бутазорларида, асосан, очиқ жойларда ўсади.

Сони

Ўйнатой сувайирғичида кичик майдон (3 гектар атрофи)да ва Ирғайлисойда 10–20 тупдан иборат тўплар ҳосил қилиб учрайди.

Кўпайиши

Уруғидан кўпаяди.

Ўсимлилар сони ва ареалининг ўзгариш сабаблари

Ўсимлик тарқалган жойлардан чорва моллари учун ёзги ўтлоқ сифатида фойдаланилади.

Маданийлаштириш

Уруғидан экилганда ижобий натижа бермаган. Униб чиққан ниҳоллари ёзнинг иккинчи ярмида қуриб қолган.

Муҳофаза чоралари

Махсус муҳофаза чоралари ишлаб чиқилмаган.