Сайт тест режимида ишламоқда Сайт работает в тестовом режиме

Категориялар

Қидирув

БЕШТОМИР ШИРАЧ

Кўриниши

Тарқалиши


Мақоми

2. Жануби-ғарбий Помир-Олойга хос камёб эндемик ўсимлик.

Қисқача тавсифи

Бўйи 60–80 см га етадиган кўп йиллик ўт. Илдизпояси қисқа, нурсимон жойлашган, илдизлари кўп, йўғонлашган. Барги кенг қалами, 15–20 мм кенгликда, кўкимтир рангли. Шингили цилиндрсимон, узунлиги 20–30 см, сийрак, кам гулли. Гулолди баргчалари ингичка учбурчак шаклда. Шингилининг пастдаги гулбандлар гулқўрғонидан икки баробар узун. Гулқўрғон баргчалари 3–5 томирли. Чангчилари гулқўрғондан узунроқ. Меваси – кўсакча, юмалоқ, йирик (эни 1 см дан ортиқ), силлиқ. Май–июнда гуллаб, меваси июнь– июль ойларида етилади.

Тарқалиши

Сурхондарё вилояти: Ҳисор тизмасининг Чўлбайир тоғларида, Тўпаланг дарёси ҳавзасида, Бойсунтоғнинг шимолий ёнбағирларида тарқалган.

Ўсиш шароити

Тоғларнинг ўрта қисмидаги шағалли, тошли-соз тупроқли ёнбағирларда ўсади.

Сони

Жуда кам учрайди. Якка-якка ҳолда ёки 2–3 тадан кичик тўплар ҳосил қилиб ўсади.

Кўпайиши

Уруғидан, баъзан эса вегетатив йўл билан кўпаяди.

Ўсимлилар сони ва ареалининг ўзгариш сабаблари

Маҳаллий аҳоли томонидан йиғилиши ва чорва молларининг боқилиши туфайли камайиб кетмоқда.

Маданийлаштириш

1962 йилдан буён ЎзР ФА Ботаника боғида ўстирилади.

Муҳофаза чоралари

Буюртмахоналар ташкил қилиш ҳамда уруғ олиш мақсадида экиб ўстириш лозим.