Сайт тест режимида ишламоқда Сайт работает в тестовом режиме

Категориялар

Қидирув

БУХОРО ТОШБАҚАТОЛИ

Кўриниши

Тарқалиши


Мақоми

2. Жанубий Помир-Олойдаги камёб эндемик ўсимлик.

Қисқача тавсифи

Кўп пояли ярим бута, бўйи 15–35 см, шохлари туксиз. Барглари сал этли, наштарсимон, бутун, деярли бандсиз. Тўпгули рўваксимон, ясси, камгулли. Косача барглари тўкилмайди, чўзиқтухумсимон, тўмтоқроқ, узунлиги 1–1,5 мм. Гултожи сариқ, туксиз, кенг тухумсимон, тўмтоқ, қисқа 6–8 мм узунликдаги қайтақили. Чангчи иплари қўшилмаган, деярли тенг, безчали туклари йўқ, туксиз, асоси тўп тукли. Тугунчаси бандли, туксиз, бўртмали. Кўсаги бандли, очиладиган, туксиз, бўртмали, эни 4–5 мм. Май–июнда гуллаб, меваси июнь–августда етилади.

Тарқалиши

Сурхондарё ва Қашқадарё вилоятлари: Ҳисор тизмасининг жануби-ғарбий тармоқлари (Деҳқонобод, Оқравот, Тойчи, Шўроб атрофлари) ҳамда Кўҳитанг тоғолди ҳудудларида тарқалган. Ўзбекистондан ташқари Туркманистонда ҳам учрайди.

Ўсиш шароити

Қизил қумтошли тупроқларда ўсади.

Сони

Шўроб атрофида 120, Келиф-Шеробод (Зарабоғ) тепаликларида 200 га яқин туп борлиги аниқланган. Ареалининг бошқа қисмида сони аниқланмаган.

Кўпайиши

Уруғидан кўпаяди.

Ўсимлилар сони ва ареалининг ўзгариш сабаблари

Табиий майдонларнинг ўзлаштирилиши ва молларнинг кўплаб боқилиши туфайли камайиб кетган.

Маданийлаштириш

Маълумотлар йўқ.

Муҳофаза чоралари

Муҳофаза қилинмайди.