Сайт тест режимида ишламоқда Сайт работает в тестовом режиме

Категориялар

Қидирув

ПАЛЕЦКИЙ ҚАНДИМИ

Кўриниши

Тарқалиши


Мақоми

3. Қизилқумдаги кичик майдонларда тарқалган камёб эндемик ўсимлик.

Қисқача тавсифи

Бўйи 100–200 см баландликдаги эгри-бугри тирсаксимон шохланган бута. Гули оқ. Гулқўрғони мевалаётганда пастга қараб эгилган. Меваси эллипс-шарсимон ёки деярли шарсимон, эни 40–50 мм, қизил. Қанотчалари тухумсимон, эни 3–5 мм, туксиз. Четлари 1,5–3 мм ўйилган. Ёнғоқчаси 12–15 мм узунликда, тўғри, ҳар томонидан кўриниб туради. Апрель–май ойларида гуллайди, май–июнда мевалайди.

Тарқалиши

Бухоро вилояти: Қизилқумда (Денгизкўл атрофларида) тарқалган. Туркманистон ва Тожикистонда ҳам учрайди.

Ўсиш шароити

Мустаҳкамланган қум уюмларида ўсади.

Сони

Кам учрайди. Кичик-кичик тўплар ҳосил қилади.

Кўпайиши

Маълумотлар йўқ.

Ўсимлилар сони ва ареалининг ўзгариш сабаблари

Ўсимлик ўсиб турган майдонлардан чорвачиликда муттасил фойдаланилади, шунингдек, ўтин сифатида ишлатилади.

Маданийлаштириш

ЎзР ФА Ботаника боғида ўстиришга уриниб кўрилган.

Муҳофаза чоралари

Махсус муҳофаза чоралари ишлаб чиқилмаган.