Сайт тест режимида ишламоқда Сайт работает в тестовом режиме

Категориялар

Қидирув

ОҲАКТОШ ҚАНДИМИ

Кўриниши

Тарқалиши


Мақоми

1. Туркистон тизмасида кичик майдончаларда ўсадиган камёб эндемик ўсимлик.

Қисқача тавсифи

Бўйи 30–40 см баландликдаги тирсаксимон эгри-бугри шохланган бута. Гуллари оқ. Гулқўрғони мевалаётганида пастга эгилади. Меваси чўзиқ-овал шаклида, узунлиги 10–15 мм, эни 7–10 мм, сариқ ёки қипқизил. Қанотчалари кенг-наштарсимон, асоси ўйилган, юқори қисми ўткир учли, қирраси нотекис ўткир тишчали, устки қисми (сирти) оддий ёки айрисимон тиканли. Ёнғоқчаси тўғри, узунлиги 7–10 мм. Апрелда гуллаб, май ойида мевалайди.

Тарқалиши

Фарғона вилояти: Сўх ва Исфара дарёлари ҳавзаларида тарқалган. Тожикистонда ҳам учрайди.

Ўсиш шароити

Очиқ оҳактошли ёнбағирларда ва дарё қирғоқларидаги гипсли қум-шағалли жойларда ўсади.

Сони

Аниқланмаган.

Кўпайиши

Айрим об-ҳаво қулай келган йиллари уруғидан чиққан ниҳолларини кузатиш мумкин.

Ўсимлилар сони ва ареалининг ўзгариш сабаблари

Чорва молларининг боқилиши ўсимликнинг кўпайишига салбий таъсир кўрсатади.

Маданийлаштириш

Маълумотлар йўқ.

Муҳофаза чоралари

Муҳофаза қилинмайди.