Сайт тест режимида ишламоқда Сайт работает в тестовом режиме

Категориялар

Қидирув

МАТТЕЙ ҚАНДИМИ

Кўриниши

Тарқалиши


Мақоми

1. Қизилқумдаги кичик майдонларда тарқалган камёб эндемик ўсимлик.

Қисқача тавсифи

Бўйи 70–150 см, бироз эгри-тирсаксимон шохланган бута. Гуллари пушти. Гулқўрғони мевалаётганда пастга қараб эгилади. Меваси деярли шарсимон, эни 15–20 мм, очсариқ ёки қизғиш. Дағал тукларининг узунлиги 5–7 мм, 8 қатор бўлиб ўрнашган, ингичка, юмшоқ, эгилувчан. Ёнғоқчаси дағал туклар орасида жойлашганлиги учун деярли кўринмайди, узунлиги 7–12 мм, 90 даража буралган. Апрель–май ойларида гуллаб, май–июнда мевалайди.

Тарқалиши

Бухоро вилояти: Қизилқумда (Денгизкўл атрофида) тарқалган. Туркманистонда ҳам учрайди.

Ўсиш шароити

Мустаҳкамланган қум тепаликларида ўсади.

Сони

Аниқланмаган. Кичик майдонларда жуда кам миқдорда тарқалган.

Кўпайиши

Маълумотлар йўқ. Об-ҳаво қулай келган йиллари уруғидан чиққан ниҳолларни учратиш мумкин.

Ўсимлилар сони ва ареалининг ўзгариш сабаблари

Аниқланмаган. Ўсимлик тарқалган жойларда кўплаб чорва моллари боқилади. Шунингдек, ўтин сифатида ишлатилиши ўсимлик кўпайишига салбий таъсир қилади.

Маданийлаштириш

Маълумотлар йўқ.

Муҳофаза чоралари

Махсус муҳофаза чоралари ишлаб чиқилмаган.