Сайт тест режимида ишламоқда Сайт работает в тестовом режиме

Категориялар

Қидирув

ОВЧИННИКОВ ПАУЛИЯСИ

Кўриниши

Тарқалиши


Мақоми

1. Жануби-ғарбий Помир-Олойнинг эндемик ўсимлиги.

Қисқача тавсифи

Баландлиги 50–100 см бўлган кўп йиллик монокарп ўсимлик. Илдизи тугунаксимон, бармоқсимон тармоқланган. Поялари якка-якка ҳолатда, ичи ғовак, ўртасидан бошлаб юқорироқда шохланади. Илдизолди барглари тез қурийди; япроқлари кенг учбурчаксимон, икки, уч карра патсимон қирқилган; асос қисмидаги бўлакларининг бандчалари бор; учки бўлаклари кенг, ромбсимон, йирик тишчали. Гултожибарги оқ, косачасининг тишчалари йўқ. Меваси 2,5 мм узунликкача, тухумсимон, бир-бирига тенг бўлган қовурғалари туфайли сал ғадирбудур. Май ойида гуллаб, июнь-июлда мевалайди.

Тарқалиши

Сурхондарё вилояти: Ҳисор тизмаси, ғарбда Мачайдарёгача, Боботоғ. Тожикистонда ҳам учрайди.

Ўсиш шароити

Тош-шағалли, соз тупроқли ёнбағирликларда ўсади (д. с. б. 900–2000 м).

Сони

Аниқланмаган.

Кўпайиши

Уруғидан кўпаяди.

Ўсимлилар сони ва ареалининг ўзгариш сабаблари

Чорва молларининг ҳаддан зиёд кўп боқилиши, ўсиш жойларининг деградацияга учраши, маҳаллий аҳоли томонидан зиравор сифатида териб олиниши.

Маданийлаштириш

Маълумотлар йўқ.

Муҳофаза чоралари

Махсус муҳофаза чоралари ишлаб чиқилмаган.