Сайт тест режимида ишламоқда Сайт работает в тестовом режиме

Категориялар

Қидирув

ЎЗБЕКИСТОН ЛОЛАСИ

Кўриниши

Тарқалиши


Мақоми

1. Йўқолиб кетиш арафасидаги Помир-Олойнинг жануби-ғарбидаги камёб эндемик ўсимлик.

Қисқача тавсифи

Бўйи 10–20 см оралиғидаги кўп йиллик пиёзли ўт. Пиёзи тухумсимон, диаметри 2,5 см, қобиғи чўзиқроқ, қаттиқ, туксиз, фақат ичи сийрак ётиқ туклар билан қопланган. Барглари 3 та, яшил кўкимтир ғуборли, чети бироз эгри-бугри. Гули қизил, туби тўқ қўнғир доғли, сариқ гардишли. Чангчи иплари ва чангдонлари оч сариқ, баъзан тўқ қизил. Мартда гуллаб, меваси май ойида етилади.

Тарқалиши

Қашқадарё вилояти: Қуруқдағана тоғининг Толли довонида тарқалган.

Ўсиш шароити

Ола жинсли паст тоғлардаги кулранг шўрхок бўз тупроқларда ўсади.

Сони

Якка-якка ҳолда тарқалган. Қуруқдаҳана ва Толли довонида 40–45 га майдонда 1000 га яқин тупи аниқланган.

Кўпайиши

Уруғидан ва пиёзидан кўпаяди.

Ўсимлилар сони ва ареалининг ўзгариш сабаблари

Гулларининг кўп миқдорда терилиши ва чорва молларининг боқилиши туфайли камайиб бормоқда.

Маданийлаштириш

ЎзР ФА Ботаника боғида 1967 йилдан буён экиб ўстирилади.

Муҳофаза чоралари

Унинг ўсиб турган янги жойларини қидириб топиш лозим.