Сайт тест режимида ишламоқда Сайт работает в тестовом режиме

Категориялар

Қидирув

ҚОРАҚУЛОҚ

Кўриниши

Тарқалиши


Мақоми

1(CR): Бутунлай йўқ бўлиб кетиш арафасида турган, мозаик тарқалган кенжа тур.

Тарқалиши

Устюрт ясси текислиги, Амударёнинг қуйи оқими, авваллари – ғарбий Қизилқум. Ўзбекистондан ташқарида: Қозоғистон, Туркманистон, Эрон шимоли ва Афғонистон. Африка, Яқин Шарқ, Эрон жануби, жануби-ғарбий Осиё, Афғонистон, Саудия Арабистони, Покистон, Уммон, Ҳиндистонда – бошқа кенжа турлари.

Яшаш жойлари

Чўлларнинг барханли ва мустаҳкамлашган қумли қисмлари, гипслашган текисликлар, чинклар, баъзан чўллашган тоғ этаклари ва тўқайзорлар.

Сони

Якка ҳолда, баъзан жуфтлари учрайди. 1954-1980 йиллар давомида 22 таси қайд этилган. 2006–2016 йилларда – 28 та; жами, тахминан, ўнлаб сақланиб қолган.

Яшаш тарзи

Ёзда тунлари фаол, йилнинг бошқа фаслларида кундузи ҳам овга чиқади. Январь-февралда жуфтлашади, апрель-майда болалайди (2-4), болалари уясидан июлда чиқади, 2 ёшда жинсий вояга етади. Қуёнлар, кемирувчилар, баъзан туёқлилар, қушлар, типратикан, тулки, судралиб юрувчилар, илон ва бўғимоёқлилар, баъзан ўлимтиклар билан озиқланади. 19 ёшгача яшайди.

Чекловчи омиллар

Қўриқ ерларнинг ўзлаштирилиши, қаҳратон қиш фасллари, озуқа манбаининг камайиши, инсон ва чўпон итлари томонидан таъқиб қилиниши; автомобиль йўлларида ҳалокатга учраши; бўри ва тулкилар билан рақобатлашиш.

Кўпайиш холати

Дунёнинг бир қатор ҳайвонот боғларида кўпайтирилади. Тошкент ҳайвонот боғида 2 жуфт қорақулоқдан 4 та насл олинди.

Муҳоваза чоралари

Овлаш тақиқланган. Қизилқум қўриқхонаси ва “Сайгачий” мажмуа буюртма қўриқхонасида муҳофаза остига олинган. Яшаш жойларини муҳофаза қилиш ва бу борада маҳаллий аҳолининг билим даражасини ошириш лозим. СИТЕСнинг I Иловасига киритилган.