Сайт тест режимида ишламоқда Сайт работает в тестовом режиме

Категориялар

Қидирув

ҚОРА КАПТАР

Кўриниши

Тарқалиши


Мақоми

2(VU:D): Заиф, қисқариб, бораётган, мозаик тарқалган, қисман ўтроқ, учиб ўтувчи эндемик тур. ТМХИ Қизил рўйхатига киритилган [VU].

Тарқалиши

Fарбий Тянь-Шань, Fарбий Помир-Олой тоғларининг пастки қисми, Амударё, Сирдарё, Зарафшон, Қашқадарё воҳалари (уялаш); текисликлар ва тоғолди ҳудудлари (учиб ўтиш, кўчиш). Ўзбекистондан ташқарида: Ўрта Осиё, Қозоғистон, Эрон, Афғонистон (уялаш); Ўрта Осиёнинг жануби, Покистон, Ҳиндистон (қишлаш).

Яшаш жойлари

Тоғолди воҳалари ва текисликдаги тўқайзорлар, соғ тупроқли жарликлар (уялаш); ғалла майдонлари (кўчиш).

Сони

Ўтмишда учраши одатий эди, тахминан бир неча мингтаси уялаган. 1960-1970-йилларда сони кескин камайиб кетган, ҳозирда тахминан бир неча юзтаси мавжуд бўлса керак.

Яшаш тарзи

Баҳорги учиб ўтиши – мартапрель ойида. Алоҳида жуфт бўлиб жарликларга, дарахтларга ин қуради, май-июлда 2 та тухум қўяди (бир йилда 2 марта) ва 19-25 кун босиб ётади; полопонлари июль-августда уча бошлайди. Август-сентябрда кўчиб юради. Кузги учиб ўтиши – сентябрь-ноябрь ойида. Республика жанубида баъзан номунтазам қишлайди. Дуккакдошлар ва бошоқдошлар уруғлари билан озиқланади.

Чекловчи омиллар

Тўқайзорларнинг қисқариши, қўриқ ерларнинг ўзлаштирилиши оқибатида яшаш жойларининг бузилиб кетиши, браконьерлик.

Кўпайиш холати

Кўпайтирилмаган.

Муҳоваза чоралари

Овлаш тақиқланган. Қўриқхона ва миллий табиат боғларида муҳофаза остига олинган.