Сайт тест режимида ишламоқда Сайт работает в тестовом режиме

Категориялар

Қидирув

БИЗҒАЛДОҚ

Кўриниши

Тарқалиши


Мақоми

2(VU:D): Заиф, қисқариб бораётган учиб ўтувчи тур. ТМХИ Қизил рўйхатига киритилган [NT].

Тарқалиши

Текисликдаги ҳудудлар (учиб ўтиш); Туркистон тоғи ёнбағирлари (уялаши мумкин), Ўзбекистон жануби (қишлаш). Ўзбекистондан ташқарида: Шимолий Африка, Жанубий ва Шарқий Европа, Қозоғистон (уялаш); Fарбий Осиё, Туркманистон, Тожикистон (қишлаш); кўплаб уяловчи популяциялари 1950-1970 йилларда йўқ бўлиб кетган.

Яшаш жойлари

Тоғ этакларининг ўтўлан, бутазорли текисликларининг чўллашган, ярим чўллашган жойлари, сув ҳавзалари қирғоқлари (учиб ўтиш); кузги экин майдонлари, бедазорлар (қишлаш).

Сони

Якка-якка ҳолда ёки кичик гуруҳ бўлиб учиб ўтади. 1960-1970-йй. жуда камайиб кетган, ҳозирда сони барқарорлашмоқда. 2004-2012 йилларда Сурхондарё ва Амударё қайирларида (Сурхондарё вилояти) бир неча юзтадан 5000 тагачаси қишлаш учун қолган. Қашқадарё вилоятида 20-30 тагача қушлардан иборат галаларини учратиш мумкин. Дунёдаги популяцияси тез камайиб бормоқда.

Яшаш тарзи

Баҳорги учиб келиши – март-апрель ойида. Апрель-май ойида ерга 2-5 та тухум қўяди ва 20-22 кун босиб ётади. Полопонлари июнь-июль ойида уча бошлайди, кузги учиб ўтиши – октябрь-ноябрда. Ҳашаротлар ва ўсимликларнинг яшил новдалари билан озиқланади.

Чекловчи омиллар

Уялаш жойларида қўриқ ерларнинг хўжалик мақсадида ўзлаштирилиши, браконьерлик, электр узатиш линияларида нобуд бўлиши.

Кўпайиш холати

Россия парваришхоналарида кўпайтирилади.

Муҳоваза чоралари

Овлаш тақиқланган. СИТЕСнинг II Иловасига киритилган.