Сайт тест режимида ишламоқда Сайт работает в тестовом режиме

Категориялар

Қидирув

ҚИРОНҚОРА

Кўриниши

Тарқалиши


Мақоми

2(VU:D): Заиф, қисқариб бораётган, учиб ўтувчи номинал кенжа тур. ТМХИ Қизил рўйхатига киритилган [VU].

Тарқалиши

Устюрт ясси текислиги, Шимолий Қизилқум (уялаш), текисликлар (учиб ўтиш), Марказий ва жанубий Ўзбекистон (номунтазам қишлаш). Ўзбекистондан ташқарида: Европа ва Fарбий Сибир жануби, Байкалорти, Хитой ва Мўғулистон шимоли, Қозоғистон, Fарбий Осиё (уялаш); Fарбий ва Жануби-шарқий Осиё, Ҳиндистон, Шарқий Африка (қишлаш). Испания, Марокашда – бошқа кенжа тури.

Яшаш жойлари

Текисликлар.

Сони

Доимо кам бўлган. 1970-1980 йилларда Бўкантов қолдиқ тоғлари ва Шимолий Қизилқумда ҳар 100 кв.км 0,4-0,8 жуфти уялар, якка ҳолда ва баъзан гуруҳ бўлиб 15-тачаси учиб ўтар эди. Қишлаш мавсумида 10 тагача учраган. Ҳозирда сони жуда камайиб кетган. Дунёдаги популяцияси 3,5 мингдан 15 мингтагача экани тахмин қилиниб, сони тобора камайиб бормоқда.

Яшаш тарзи

Баҳорги учиб ўтиши – февраль-апрель ойида, ёшларининг кўчиб юриши – апрель-май ойида. Февраль-май ойида ерга 1-3 та тухум қўяди ва 43 кун босиб ётади. Полопонлари июль-август ойидан уча бошлайди. Кузги учиб ўтиши октябрьдекабрь ойларига тўғри келади. Кемирувчилар, типратикан, тошбақа ва ўлаксалар билан озиқланади.

Чекловчи омиллар

Чўл ва ярим чўл зоналарида қўриқ ерларнинг ўзлаштирилиши. Инларининг бузиб ташланиши, уялаш жойларида безовта қилиниши. Кўпи электр узатиш тизмаларида нобуд бўлади.

Кўпайиш холати

Дунёнинг кўплаб ҳайвонот боғларида кўпайтирилади.

Муҳоваза чоралари

Овлаш тақиқланган. СИТЕСнинг I Иловасига киритилган.