Сайт тест режимида ишламоқда Сайт работает в тестовом режиме

Категориялар

Қидирув

ҚАЛҚОНЛИ ГЕККОНЧА

Кўриниши

Тарқалиши


Мақоми

1 (EN): Йўқ бўлиб кетаётган, мозаик тарқалган, реликт эндемик тур.

Тарқалиши

Фарғона водийси.

Яшаш жойлари

Қадимги воҳалар, эски пахса иморат ва харобалар, ариқ бўйлари. Табиий биотопларда йўқ бўлиб кетган.

Сони

1970-йилларгача кўп бўлган. Ҳозирда сони қисқариб бормоқда.

Яшаш тарзи

Март-октябрь ойларида тунлари фаол ҳаёт кечиради. Кундузи лой сувоқли эски уйлар деворларининг ёриқ ва коваклари, турли ахлат қолдиқлари, эски чириган ёғоч ходалар тагига, ариқ бўйларидаги ҳашаротлар ва кемирувчиларнинг инига беркинади, ўша ерда қишлайди ҳам. Апрель-май ойида жуфтлашади. Июнь-августда бир-икки марта 1-2 тадан тухум қўяди. Август ойида болалари тухумдан чиқади ва ҳаётининг иккинчи йилида жинсий вояга етади. Майда ҳашаротлар ва ўргимчаксимонлар билан озиқланади.

Чекловчи омиллар

Эски пахса иморатларни таъмирлаш, суғориш тармоқларини янгилаш ва бошқалар.

Кўпайиш холати

Хусусий террариумчилар орасида ушбу тур муваффақиятли парваришланганлиги ва кўпайтирилганлиги ҳақида маълумотлар бор.

Муҳоваза чоралари

Кўздан яширинадиган ва тунги ҳаёт кечирадиган майда жониворлар сонини мувофиқ баҳолаш усулларини ишлаб чиқиш, умумий сонини ҳисобга олиш ва локал популяциялари устидан узоқ муддатли мониторингни ташкил қилиш лозим. Шунингдек, Фарғона водийси ҳудудида микроқўриқхоналар тармоғини ташкил этиш, ушбу турни тутқунликда кўпайтириш услубиятини ишлаб чиқиш ҳамда ҳайвонот боғлари ва парваришхоналарда барқарор кўпайтириш гуруҳларини ташкил қилиш зарур.